१३ श्रावन २०७८
व्यवसायीलाई कोरोनाविरुद्धको खोप उपलब्ध गराउन विराट व्यापार संघको माग
April 29, 2021
10:54 am

विराटनगर, १६ वैशाख । अग्रपंक्तिमा रहने व्यवसायीलाई कोरोनाविरुद्धको खोप उपलब्ध गराउन विराटनगरका व्यवसायीहरुले माग गरेका छन् । अग्रपंक्तिमा रहेर उपभोक्ताहरुलाई अत्यावश्यक वस्तु उपलब्ध गराउने व्यवसायीहरुलाई कोरोनाविरुद्धको खोप उपलब्ध गराउन विराट व्यापार संघले प्रदेश सरकारसँग माग गरेको हो ।

स्थानीय साना तथा खुद्रा व्यापारीहरुको उपभोक्तासँग प्रत्यक्ष सम्पर्क हुने भएकाले उनीहरुमा कोरोना संक्रमणको उच्च जोखिममा रहेको भन्दै संघले खोप उपलब्ध गराउन माग गरेको हो ।

प्रदेश सरकारक सामाजिक विकास मन्त्री उषाकला राईलाई भेट्दै संघका अध्यक्ष सुजन थापाले पसल, वर्कशप, सार्वजनिक यातायात, सपिङ मल लगायतका क्षेत्रहरुमा उपभोक्ताको चाप अत्याधिक हुने र स्थानीय व्यावसायीहरु कोरोनाको उच्च जोखिममा रहेकाले खोप उपलब्ध गराउन माग गरेका हुन् ।

उनले पहिलो चरणको खोप लक्षित वर्गले मात्र पाएको भन्दै स्थानीय व्यापारी÷व्यावसायीहरुलाई पनि खोप उपलब्ध गराउनु पर्ने माग गरे । अध्यक्ष थापाले पुर्नजिवित हुन थालेका व्यापार÷व्यावसायहरु कोरोना महामारीका कारण पुनः थलिदै गएको बताए ।

उहाँले व्यापार सहजीकरणका आवश्यक पहल गरिदिन समेत सरकार सँग आग्रह गरे । सामाजिक विकास मन्त्री राईले अग्रपंक्तिमा रहे व्यापारी वर्गलाई खोप उपलब्ध गराउनेबारे आवश्यक पहल गरिने आश्वासन दिइन् ।

उनले ‘म्युटेन्ट भेरियन्ट’ सहितको कोरोना तुलनात्मक रुपमा बढी जोखिमपूर्ण भएकाले तत्काल आफैले सुरक्षाका विधिहरु अपनाउन आग्रह गरिन् । विराट व्यापार संघमा आबद्ध १ हजार ८ सयभन्दा बढी व्यापारीहरुले कोरोनाविरुद्धको खोप नलगाएको संघले जनाएको छ ।

जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net