१३ श्रावन २०७८
कोसी अस्पतालका स्वास्थ्यकर्मी काममा फर्किए, माग पुरा गर्न मन्त्रालयलाई एक साताको अल्टिमेटम
April 27, 2021
11:59 am

विराटनगर, १४ वैशाख । सेवा सुविधा नपाएको भन्दै आन्दोलित बनेका विराटनगरस्थित कोसी अस्पताल कोभिड–१९ उपचार केन्द्रमा कार्यरत चिकित्सक र स्वास्थ्यकर्मी काममा फर्किएका छन् । आफ्ना जायज मागहरु पुरा गर्न प्रदेश १ सामाजिक विकास मन्त्रालयलाई एक हस्ताको अल्टिमेटम दिँदै उनीहरु काममा फर्किएका हुन् ।

अस्पतालमा कार्यरत स्वास्थ्यकर्मीहरुले आफूहरुको विगतको करारलाई निरन्तरता दिनुपर्ने, जोखिम भत्ता दिनुपर्ने र स्वास्थ्यकर्मीहरुका लागि उचित क्वारेन्टाइन, खानालगायतको माग गर्दै सोमबारदेखि आन्दोलित बनेका हुन् ।

करारमा नियुक्ति पाएका स्वास्थ्यकर्मीले माग सम्बोधनका लागि एक साताको समय दिएका छन् । मन्त्रालयका उपसचिव अम्बिकाप्रसाद चौलागाईसहितको टोलीसँग सोमबार स्वास्थ्यकर्मीको छलफल भएको थियो । उनले व्यवस्थित क्वारेन्टाइन, पोषणयुक्त खानाको प्रबन्ध गर्ने र जोखिम भत्ताका लागि केन्द्र सरकारसँग समन्वय गर्ने आश्वासन दिएका थिए ।

छलफलपछि स्वास्थ्यकर्मीले एक साताको समय दिएको जानकारी आफूलाई आएको मन्त्रालयका सचिव गोविन्दबहादुर कार्कीले बताए । उनले उनले स्वास्थ्यकर्मीले आन्दोलन गर्नुपर्ने अवस्था नरहेको बताउँदै संकटको बेला विभिन्न अनावश्यक माग राखेर घुक्र्याउन खोजेको दावी गरे ।

उक्त अस्पतालमा ८ जना मेडिकल अफिसर, ८ स्टाफ नर्स र ८ जना हेल्थ असिस्टेन्ट गरि २४ जना कार्यरत छन् । यसबाहेक सामाजिक विकास मन्त्रालयबाट खटिएका चिकित्सक सहितका थप २ जना अन्य कर्मचारी कार्यरत रहेको जनाइएको छ ।

जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net