१० असोज २०७८
सुनचाँदी व्यवसायी विश्वकर्माको हत्या घटनाकाे विराेधमा लहानमा प्रदर्शन
April 11, 2021
10:58 pm

लहानका सुनचाँदी व्यवसायी प्रदीप विश्वकर्माको हत्यामा संलग्नलाई कारबाहीको माग गर्दै प्रदर्शन भएको छ । सुनचाँदी व्यसायी, संयुक्त दलित संघर्ष समिति सिरहा, विश्वकर्मा समाज र नागरिक समाज सम्मिलित संयुक्त संघर्ष समितिले आज विराेध प्रदर्शनसहित लोकतान्त्रिक चोकमा कोणसभा गरेकाे हाे  । विराेधमा सहभागीहरूले घटनाको सूक्ष्म छानबिन गरी दोषीलाई दण्डित गर्न माग गरे ।

पीडित परिवारले न्याय नपाएसम्म आन्दोलन जारी राख्ने संघर्ष समितिले जनाएको छ । घटनाको विराेधमा प्रदेश २ का सम्पूर्ण सुनचाँदी पसलहरू समेत बन्द रहेको नेपाल सुनचाँदी व्यवसायी महासंघका केन्द्रीय उपाध्याक्ष भरत अग्रवालले बताए ।

सुनचाँदी व्यवसायी बारम्बार लुटिएकाे, मारिएकाे भन्दै व्यवसायी स्वयंकाे सुरक्षा एवं पीडितलाई न्यायका लागि आन्दोलन गरेकाे उपाध्यक्ष अग्रवालले बताए । मृतककी घाइते श्रीमतीको उपचार, उनका बच्चाको शिक्षादीक्षाकाे सुनिश्चतता र क्षतिपूर्तिको माग उनीहरूले गरेका छन् ।

सिरहाको लहान नगरपालिका-२३ गढिया चौकमा सुनचाँदीका पसल सञ्चालन गर्दै आएका लहान-२२ का ४५ वर्षीय प्रदीप विश्वकर्मालाई ६-७ जनाको लुटेराहरूको समूहले हिजाे राति गोली र धारिलो हतियार प्रहार गरी हत्या गरेका थिए । लुटेराको आक्रमणबाट उनकी श्रीमती ३५ वर्षीया अनिता विश्वकर्मा गम्भीर घाइते छिन् । उनको उपचार जारी छ ।

व्यक्तिगत रिसईबीका कारण हत्या भएको हुनसक्ने परिवारजनको आशंका छ । मृतक युवकको जिउभरी धारिलो हतियार र छातीमा गोली प्रहार भएको देखिएको छ । उनलाई धारिलो हतियारपछि गोली प्रहार भएकाे हुनसक्ने प्रहरीले बताएको छ । विश्वकर्माको शव अहिले पोष्टमार्टमको लागि लहानस्थित रामकुमार सारडा उमाप्रसाद मुरारका अस्पतालमा राखिएको छ । शवको पोष्टमार्टम भोलि मात्र हुने बताइएको छ ।

हालसम्म दुई जना पक्राउ परेका छन् । संलग्नताको आशंकामा लहान-७ का २६ वर्षीय रामकृष्ण चौधरी र लहान-२३ गढियाका २९ वर्षीय सूर्य सहनी प्रहरीकाे नियन्त्रणमा छन् । घटनाबारे सूक्ष्म अनुसन्धान भइरहेको सिरहाका प्रहरी प्रमुख एसपी सुदिपराज भण्डारीले बताए ।

रोटरी क्लब अफ विराटनगर डाउन टाउनद्वारा प्याड वेन्डिङ्ग मेसिन र फिल्टर जडान
विराटनगर पुष्पलाल चौकमा संविधान दिवसको अवसरमा दिप प्रजवलन
नेपाल उत्पीडित जातीय मुक्ति समाजको ५१ सदस्यीय कटहरी गाउँपालिका कमिटी गठन
काेराेना महामारिमा शिक्षककाे जीवन
कांग्रेस–माओवादीमा कार्यकर्ताको खडेरीः मोरङको रतुवामाईमा सिंगो गाउँ एमालेमा प्रवेश
नेकपा (एमाले) मोरङ अध्यक्षमा पुनः ऋषिकेश पोखरेल
हात खालि न जाने आईपीओ निष्काशन
Purwanchal College of Science & Technology को एक परिचय
४ दिने भ्रमण सकेर अमेरिका फर्कदै फातिमा, एमसीसी पनि फिर्ता लग्दै
ताप्लेजुङमा ७२ सदस्यीय नेकपा एकिकृत समाजवादीको जिल्ला कमिटी गठन
जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net