२९ चैत्र २०७७
मिल्स गोल्डकपः एलेभने एरोज दुहबी सेमिफाइनलमा
March 22, 2021
10:17 pm

विराटनगर, ९ चैत । विराटनगरमा जारी पहिलो मिल्स गोल्डकप प्रतियोगितामा एलेभेन एरोज क्बल दुहबी सुनसरी सेमिफाइनलमा प्रवेश गरेको छ । विराटनगर – १६ स्थित जुट मिल्सको खेलमैदानमा सोमबार भएको खेलमा १ नं. प्रदेश प्रहरी कार्यालय विराटनगरलाई १–० गोलले पराजित गरि एलेभेन एरोज क्लब सेमिफाइनलमा प्रवेश गरेको हो ।

रामान्चित प्रतिस्पर्धात्मक खेलको सुरूवातमा एलेभेन एरोज क्बल दुहबीका उमेश कार्कीले खेल सुरू भएको २५ औं मिनेटमा गरेको गोल टिमको जितको लागि निर्णायक बन्यो । प्रलात चौधरीले निकालेको पास उमेशले डिबक्स बाहिरदेखि गरेको प्रहार सजिलै गोलमा परिणत भयो ।

प्रहरीका खेलाडीहरूले पहिलो हाफमा गरेको अधिकाशं प्रहार एलेभेन एरोज क्बल दुहबीका गोलरक्षक सुजित तामाङले बचाए । खेलको २० औं मिनेटमा प्रहरीका गोलरक्षक अर्जुन बस्नेत अगाडी बढदा एलेभेन एरोज क्बलका खेलाडीले छ यार्ड बक्सबाट प्रहार गरेको फ्रिकिकमा प्रहरीका किरण कुमार चौधरीले हेड गरि गोल हुनबाट उत्कृष्ट बचाए ।

दोस्रो हाफमा प्रहरी टोली आक्रामक देखियो । तर, प्रहरीले गोल गर्ने सुन्दर अवसर खेर फाल्दा पराजित भयो । खेलको ५० औं मिनेटमा प्रहरीका सुजन बस्नेत र ६० औं मिनेटमा रमेश राजवंशीको उत्कृष्ट प्रहार दुहबीका गोलरक्षक सुजित चौधरीले बचाउ गरेका थिए ।

सुजितले प्रहरीका आधा दर्जनभन्दा बढी प्रहार उत्कृष्ट रूपमा बचाउ गरेका थिए । खेलको अन्त्य तिर आक्रमक भएर प्रहरी मैदान उत्रिए पनि गोल गर्न नसक्दा खेल बराबरीमा ल्याउन चुक्यो ।

खेलको म्यान अफ द म्याच एलेभेन एरोज क्बल दुहबी सुनसरीका निर्णायक गोल गर्ने उमेश कार्की घोषित भए । उनले नगद पाँच हजार रूपैयाँ प्राप्त गरे । जितसँगै एलेभेन एरोज क्बल दुहबीले चैत ११ गते सशस्त्र प्रहरी बल पूर्वाञ्चलसँग प्रतिस्पर्धा गर्नेछ ।

प्रतियोगिताको मंगलबारको खेल धरान सिटी फुटबल एकेडेमी सुनसरी र शताक्षीधाम स्पोर्ट्स क्लब झापा बिच प्रतिस्पर्धा हुनेछ । मिल्स गोल्डकप फुटबल ट्रष्टको आयोजनामा भएको प्रतियोगिताको बिजेता नगद १ लाख ५० हजार रुपैयाँको साथै ट्रफि र उपबिजेताले नगद ७५ हजार रुपैयाँ प्राप्त गर्दछन् ।

मोरङमा पनि नेपाल समूहले गठन गर्‍यो समानान्तर कमिटी
प्रदेश १ : पुनर्नियुक्त मन्त्री आङ्बुहाङले लिए सपथ
दलित समुदायमाथि हुने जातीय विभेदविरुद्धका कानुन कार्यान्वयनमा जोड
थ्री नेसन्स कप : बंगलादेशलाई हराउँदै नेपाल बन्यो विजेता
नेपाल र रावल एमाले पार्टीबाट निलम्बित
अत्याधिक वायु प्रदुषणका कारण चार दिन विद्यालय बन्द गर्ने सरकारको निर्णय
नेपाल आइपुग्यो चीनले अनुदानमा दिएको ८ लाख डोज खोप
मह जोडी बने महामूर्ख, प्रदेशमन्त्री जितेन्द्र सोनल मूर्ख शिरोमणि घोषित
तराईमा होली आज, हराउँदैछ मौलिकता
नेपाल घरेलु तथा साना उद्योग महासंघ मोरङको बैठक पर्यटकीय क्षेत्र जेफालेमा सम्पन्न
जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net