०३ असार २०७८
सप्तकोसी नगरपालिकामा अनियमिमता बढेको भन्दै जनप्रतिनिधि आन्दोलित
March 1, 2021
10:57 pm

सप्तरीको सप्तकोसी नगरपालिकामा व्यापक अनियमिमता भएको भन्दै जनप्रतिनिधिसहित चारवटा राजनीतिक दलले संयुक्त रूपमा आन्दोलन थालेका छन् ।

एकलौटी ढंगले अघि बढेका नगरप्रमुख र प्रमुख प्रशासकीय अधिकृत मिलेर एक करोडभन्दा बढी रुपैयाँको अनियमिमता गरेको आरोप लगाउँदै उनीहरू आन्दोलित भएका हुन् ।

नेकपाका प्रचण्ड-नेपाल समूह, कांग्रेस, जनता समाजवादी पार्टी र राष्ट्रिय प्रजातान्त्र पार्टीले आज संयुक्त रूपमा पत्रकार सम्मेलन गर्दै सोबारे जानकारी गराएको हो । नगरप्रमुखले कोभिड–१९ महामारीको बेला एक करोड र प्रदेशबाट आएको २० लाख रुपैयाँ अनियमितता गरेको उनीहरूको आरोप छ ।

विज्ञापनविनै कर्मचारी नियुक्ती गरिएको र शिक्षक नियुक्तीमा पनि आर्थिक चलखेल गरेर भर्ना गर्न लागेको वडा नं. १ का अध्यक्ष नारायण आचार्यले बताए । ‘कोभिड–१९ को बेला अढाइ करोडमध्ये १ करोडबढी रुपैयाँ अनियमितता भएको छ’ उनले भने–‘त्यसपछि पनि प्रदेशबाट आएको २० लाखको हरहिसाब छैन, हरहिसाब खोज्दा दिनै मान्दैनन् ।’

बाध्य भएर सर्वदलीय बैठक गुहार्नुपरेको उनले बताए । ‘सर्वदलीय बैठकबाट हामीले ९ वटा बुँदा उल्लेख गर्दै ज्ञापनपत्र बुझाए पनि वास्ता नै गर्दैनन्,’ उनले भने, ‘आज पुनः टीएमएल शिक्षक नियुक्त गर्न विज्ञापनविनै परीक्षा सञ्चालन गर्न खोजियो ।’

एकातर्फ हरहिसाबको जानकारी नदिने र अर्कोतर्फ मनोमानी ढंगले कर्मचारी नियुक्ति गर्न लागिएको उनले पत्रकार सम्मेलनमा बताए । ‘यसअघि पनि सबैजसो कर्मचारी मेयर, प्रमुख प्रशासकीय अधिकृतसहितका मिलोमतोमा बस्नेहरूकै आफन्तलाई नियुक्त गरिएको छ । र शिक्षक नियुक्तिमा पनि त्यही गर्न खोजिरहेकाले हामीले तत्काललाई परीक्षा रोक्न भनेका थियौँ,’ उनले भने, ‘नसुनेपछि म लगायत ६/७ जना जनप्रतिनिधि र चारवटै दल मिलेर आन्दोलन सुरु गरे ।’

आन्दोलनको पहिलो चरणमा शिक्षक भर्ना गर्न लिइरहेको परीक्षा हलमा तालाबन्दी गरेको उनले बताए । ‘अझै हरहिसाब र विभिन्न नियुक्तिबारे जानकारी नदिइए बाध्य भएर नगरपालिकामा तालाबन्दी गर्ने हाम्रो योजना छ’, उनले भने ।

उता, नेकपा ओली समूहबाट निर्वाचित नगर प्रमुख उत्तमकुमार शर्माले राजनीतिक विवादका कारण आफूमाथि अनियमितताको आरोप लागेको प्रतिक्रिया दिए । ‘केन्द्रमा नेकपाबीच देखिएको राजनीतिक विवादले यो सबै भइरहेको छ’ उनले भने, ‘शिक्षक नियुक्त गर्न राष्ट्रिय मिडियामै विज्ञापन भएको छ ।’ यद्यपि, नगर प्रमुख शर्माले राष्ट्रिय मिडियाको नाम भने यकिन गर्न सकेनन् ।

कोरोना संक्रमणबाट विराटनगरमा थप तीन जनाको मृत्यु
बीपी प्रतिष्ठानमा सप्तरीका कोरोना संक्रमित युवकको मृत्यु
व्यवसायीलाई कोरोनाविरुद्धको खोप उपलब्ध गराउन विराट व्यापार संघको माग
विराटनगरमा भूकम्पको धक्का महसुस
कोरोना संक्रमणबाट विराटनगरमा दुई जनाको मृत्यु
विराटनगरका थप एक संक्रमित पुरुषको वीपी प्रतिष्ठानमा मृत्यु
ग्यास अभाव हुँदैन, चाहिनेभन्दा बढी खरिद नगर्नुस्
कोसी अस्पतालका स्वास्थ्यकर्मी काममा फर्किए, माग पुरा गर्न मन्त्रालयलाई एक साताको अल्टिमेटम
बाँकेमा थप तीन जना कोरोना संक्रमितको मृत्यु
सुर्खेतमा उपचाररत जुम्लाका कोरोना संक्रमित पुरुषको मृत्यु
जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net