०८ माघ २०७७
मुक्ति समाज मोरङको विस्तारित बैठक सम्पन्न
January 13, 2021
11:51 pm

विराटनगर, २९ पुस-नेपाल कम्युनिष्ट पार्टी (नेकपा) को जनवर्गीय संगठन नेपाल उत्पीडित जातीय मुक्ति समाज मोरङको विस्तारित बैठक सम्पन्न भएको छ । जिल्लामा दलित समुदायका सवै प्रकारका समस्या पहिचान गरि समाधानका लागि अग्रसर हुने निर्णय गर्दै मुक्ति समाज मोरङका अध्यक्ष जित नारायण सरदारको अध्यक्षता र नेकपा केन्द्रीय सदस्य गुरु बरालको प्रमुख आतिथ्यतामा विस्तारित बैठक सम्पन्न भएको हो ।

बैठकलाई सम्बोधन गर्दै नेता बरालले मोरङमा रहेका दलित समुदायका सवै प्रकारका समस्या समाधानका लागि मुक्ति समाजका नेता कार्यकर्ताहरुलाई अग्रसर हुन निर्देशन दिए । ‘दलित समुदाय आर्थिक रुपमा सवैभन्दा पछाडी पर्दै आएको छ । दलित समुदायलाई आर्थिक रुपमा सवल बनाउने एजेण्डमा तपाईहरु लाग्नुस । आर्थिक अभावकै कारण उच्च शिक्षाबाट बञ्चित भएका विद्यार्थीहरुलाई पढाउनका लागि सहयोग गर्नुस् । विभेदका विरुद्ध संगठित भएर विभेद अन्त्य गर्ने अभियान चलाउनुस ।’ उनले भने,‘हिँजोको जस्तो समय अहिले होइन । मुक्ति समाजले उठान गर्दै आएका दलित समुदायका सवालहरुलाई पार्टीले सम्बोधन गरेरै छाड्छ । त्यसैले दलित समुदायको चौतर्फी विकासका लागि शसक्त ढंगबाट अब लाग्न जरुरी छ ।’

 

नेकपाकै पहलमा स्थानीय तहका प्रत्येक वडामा एक जना अनिवार्य दलित महिला वडा सदस्य बनाउन सफल भएको बताउँदै नेता बरालले नेकपाले मात्र दलित समुदायका माग सम्बोधन गर्ने बताए ।

विस्तारित बैठकमा नेकपा केन्द्रीय सदस्य तथा नेपाल उत्पीडित जातीय मुक्ति समाजका केन्द्रीय उपाध्यक्ष खेम नेपालीले संविधानले दलित समुदायलाई समान अधिकार प्रदान गरेको भएपनि व्यवहारमा कार्यान्वय हुन नसकेको बताए ।

उनले कानुन अनुसार जतीय विभेद दण्डनीय अपराध भएपनि जातीय विभेद गर्नेहरुको संरक्षणमा उपल्लो तहकै नेताहरु लाग्ने गरेका कारण विभेद अन्त्य हुन नसकेको बताए । ‘रुकुम पश्चिममा अन्तरजातीय प्रेमकै कारण छ जना युवाहरु मारिए । समानताका लागि ठुलो क्रान्ती गरेर आएँ भन्ने जनार्दन शर्माहरुनै अपराधिको संरक्षणमा लागे ।’ उनले भने,‘जातीय विभेद गर्दै हत्या गर्ने अपराधिहरुलाई सजाय दिलाउनुको साटो संसदभित्रै उनीहरुको बचाउमा उत्रिएको देखियो । ठुलो क्रान्ति गरेँ भन्ने त्यस्ता नेता र तिनको झुण्डले कसरी दलितको हित हुने काम गर्छन ?’

उनले नेकपाको जनवर्गिय संगठन मुक्ति समाजकै अगुवाईमा दलित समादायका अधिकार स्थापित भएको बताए । नेपालीले कानुन र संविधानले दलित समुदायलाई अधिकार प्रदान गरेपनि व्यवहारमा कार्यान्वयन हुननसकेकाले खबरदारी गर्न जोड दिए । उनले जिल्लाभरी टोल टोलमा पुगेर दलित समुदायका स्थानीय समस्या पहिचान गरि समाधनको अगुवाई गर्न मुक्ति समाजमा आवद्ध कार्यकर्ताहरुलाई निर्देशन समेत दिए ।

विस्तारित बैठकमा नेकपा केन्द्रीय सदस्य सत्यनारायण चौधरीले दलितका सामाजिक, आर्थिक, राजनीतिक, सांस्कृतीक सवालहरु नेकपाले मात्र सम्बोधन गर्दै आएको बताए । नेता चौधरीले दलित समुदायको सवै क्षेत्रमा समान सहभागिताका लागि नेकपा नेतृत्वको सरकारले आरक्षणको व्यवस्था, उच्च शिक्षामा छात्रबृत्ति, दलित बालबालिकालाई पोषण भत्ता, ६० वर्ष उमेर पुगेका दलित जेष्ठ नागरिकलाई सामाजिक सुरक्षा भत्ता, निशुल्क शिक्षा, प्राविधिक शिक्षामा छात्रबृत्ति लगायतका कार्यक्रम ल्याएकोे बताए ।

बैठकमा नेकपा केन्द्रीय सदस्य रामलाल साह, रमेश पोखरेल, मुक्ति समाजका केन्द्रीय सदस्य जिवन घतानी, अखिल नेपाल किसान महासंघका केन्द्रस्य सदस्य भद्रमान विश्वकर्मा, मुक्ति समाज मोरङका पदाधिकारी तथा अगुवा कार्यकर्ता, नेकपा जिल्ला कमिटी सदस्यहरु, पार्टीबाट निर्वाचित दलित जनप्रतिनिधिहरुलगायतको उपस्थिती रहेको थियो ।

लेटाङका पाँच सहकारीबिच एकिकरण
गायक सुमित खड्काको राष्ट्रिय गीतको एल्बम ‘देशको आवाज’ विमोचन
नेपाल चिकित्सक संघ कोशीको अध्यक्षमा डा. सिलवाल निर्वाचित
पार्टी कमिटीहरू तत्काल पुनर्गठन गर्न प्रधानमन्त्री ओलीको निर्देशन
नेकपा र कांग्रेसका कार्यकर्ताबीच झडपपछि रूकुम पश्चिममा निषेधाज्ञा
प्रहरी निरिक्षक ‘नायक’ भए सर्वोउत्कृष्ट प्रहरी
सुनसरीको सिमरियामा दुर्घटना, तीन जनाको मृत्यु
प्रदेश १ : नेकपाको आधिकारिक विभाजनपछि मात्रै कसलाई सघाउने भन्नेबारे कांग्रेसले निर्णय लिने
प्रतिनिधिसभा विघटन मुद्दा हेर्दाहेर्दैमा, बुधबार फेरि सुनुवाइ
झापा र मोरङबाट ब्राउनसुगरसहित ८ जना पक्राउ
जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net