०५ असार २०७८
बेलबारीको रमिते डाँडा आकर्षक पर्यटकीय गन्तब्य बन्दै
January 5, 2021
8:52 pm

विराटनगर, २१ पुस-मोरङको बेलबारी–२ लालभित्तीस्थित रमितेडाँडा आन्तरिक पर्यटनका लागि आकर्षकको केन्द्र बन्दै गएको छ । पूर्व–पश्चिम राजमार्गबाट करिब २ किलोमिटर उत्तरमा अवस्थित रमितेडाँडामा वनभोज खान पुग्नेहरुको घुइँचो लाग्न थालेको छ ।

लालभित्ती चोकबाट करिब २ किलोमिटर उत्तरमा अवस्थित छ रमितेडाँडा । जहाँ पछिल्लो समय वनभोज खान आउने र घुम्न आउनेको संख्या ह्वात्तै बढेको छ । प्राकृतिक सौन्दर्यले भरिपूर्ण, शान्त र मनोरम दृश्यावलोकनको हिसाबले रमितेडाँडा आकर्षकणको केन्द्र बन्दै गएको छ । डाँडाको उच्च भागबाट नजिकै समथर फाँट देखिन्छ । रमिते पर्यटन क्षेत्रको डाँडामा एक सय दुई फिट उच्चाइमा बन्न लागेको भ्यु टावरले पूर्वका धेरै जसो ठाउँहरुको दृश्यावलोकन गर्न सकिने रमिते सामुदायिक वन उपभोक्ता समितिका उपाध्यक्ष कमल लिम्बूको भनाइ छ ।

उनले आगन्तुकहरुका लागि वनभोज खान कटेजलगायतका संरचनाहरु निर्माण भइरहेको बताए । उनले सामुदायिक वनको क्षेत्रफल १ सय ४१ हेक्टर र वनभोज खाने स्थल २ हेक्टर क्षेत्रफलमा रहेको अध्यक्ष लिम्बुले जानकारी दिए । उनले रमिते पर्यटन क्षेत्रमा वनभोज खान आउने र दृश्यावलोकन गर्न विशेष गरी शनिबार भीड लाग्ने गरेको बताए । रमिते पर्यटन क्षेत्र वनभोज खान र दृश्यावलोकन गर्न निकै रमणीय ठाउँ रहेको स्थानीय पर्यटक अमिसा श्रेष्ठको भनाइ छ ।

उनले रमिते पर्यटन क्षेत्रमा खाने पानी र विजुलीबत्ती, सरसफाई लगायतमा ध्यान दिन आग्रह गरिन् । रमिते डाँडा आन्तरिक पर्यटनका लागि प्रचुर सम्भावना बोकेको क्षेत्रका रुपमा स्थापित भइरहेको छ । भ्यु टावर लगायत बन्न लागेका अन्य अरु संरचना निर्माणमा तीनै तहको सरकारले लगानी गर्न सके प्रदेश नंः १ मा नमुना रमिते पर्यटन क्षेत्र बन्न सक्ने नेपाल पत्रकार महासंघ मोरङ शाखाका उपाध्यक्ष कुमोद अधिकारीले बताउँछन् ।

उनले यस क्षेत्रको प्रचारप्रसार गर्न सबै लाग्नुपर्नेमा जोड दिए । बेलबारी–२ रमिते चौकबाट करिब २ किलोमिटर यात्रा गरेपछि पुगिने रमिते डाँडा समुन्द्र सतहबाट करिब २ सय ५० मिटर उचाइमा छ । रमिते डाँडादेखि पूर्व–उत्तरमा लेटाङ, केराबारी, उत्तरमा जेफाले पश्चिम–उत्तरमा धरान र दक्षिणमा तराई लगायतका ठाउँहरु प्रष्ट देख्न सकिन्छ । तराईका सुन्दर फाँटको अवलोकन, सूर्योदय र सूर्यास्तको लोभलाग्दो दृष्य अवलोकन गर्न रमिते डाँडाले आकर्षित गर्ने गरेको छ । रमिते पर्यटक क्षेत्रको अझ दीर्घकालीन विकास गर्न स्थानीय र तीनै तहको सरकार बीच सहकार्य हुनु आवश्यक छ ।

कोरोना संक्रमणबाट विराटनगरमा थप तीन जनाको मृत्यु
बीपी प्रतिष्ठानमा सप्तरीका कोरोना संक्रमित युवकको मृत्यु
व्यवसायीलाई कोरोनाविरुद्धको खोप उपलब्ध गराउन विराट व्यापार संघको माग
विराटनगरमा भूकम्पको धक्का महसुस
कोरोना संक्रमणबाट विराटनगरमा दुई जनाको मृत्यु
विराटनगरका थप एक संक्रमित पुरुषको वीपी प्रतिष्ठानमा मृत्यु
ग्यास अभाव हुँदैन, चाहिनेभन्दा बढी खरिद नगर्नुस्
कोसी अस्पतालका स्वास्थ्यकर्मी काममा फर्किए, माग पुरा गर्न मन्त्रालयलाई एक साताको अल्टिमेटम
बाँकेमा थप तीन जना कोरोना संक्रमितको मृत्यु
सुर्खेतमा उपचाररत जुम्लाका कोरोना संक्रमित पुरुषको मृत्यु
जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net