२९ चैत्र २०७७
घरेलु तथा सना उद्योग महासंघ मोरङको अधिवेशन मंसिर २९ गते, युवा नेतृत्व चयन हुने सम्भावना
December 8, 2020
1:52 am

विराटनगर, २३ मंसिर–आगामी मंसिर २९ गते विराटनगरमा हुने नेपाल घरेलु तथा साना उद्योग महासंघ मोरङको अधिवेशनको तयारी तीब्र पारिएको छ । विराटनगर बरगाछीस्थित इन्द्रेणी पार्टी प्यालेसमा हुने महासंघ मोरङको ११ औं जिल्ला अधिवेशन तथा महिला उद्यम समितिको १९ औं जिल्ला भेलाको तयारी तीब्र पारिएको हो ।

तीन/तीन वर्षमा हुँदै आएको अधिवेशन यसपटक विश्वव्यापी माहामारीको रुपमा फैलिएको कोरोना भाइरस संक्रमणको जोखिमका कारण करिब ८ महिना ढिलो गरि हुन लागेको हो । गत ८ मंसिरमा बसेको महासंघ मोरङको कार्यसमिति बैठकले जिल्ला अधिवेशन तथा महिला उद्यम समितिको जिल्ला भेला स्वास्थ्य मापदण्ड पालना गर्दै मंसिर २९ गते गर्ने निर्णय गरेको थियो ।

अधिवेशनमा मोरङ जिल्लाभरिबाट एक सय जना बढी प्रतिनिधिहरुको सहभागिता रहने जनाइएको छ । अधिवेशनले महासंघको कार्यसमितिका लागि २२ जना र महिला उद्यम समितिका लागी १७ जनाको कार्यसमिति चयन गर्ने महासचिव गोपाल काफ्लेले जानकारी दिए । उनका अनुसार महासंघ मोरङमा ५ सय बढी उद्यमीहरु संगठित रहेका छन्।

नेपाल घरेलु तथा साना उद्योग महासंघ मोरङको कार्यकाल गत चैत महिनामै समाप्त भएको थियो । कोरोना महामारीका कारण केही ढिलाई भएपनि आवश्यक सुरक्षा र सर्तकताका साथ अधिवेशनकै दिन नयाँ नेतृत्व समेत चयन हुने छ । यसपटकको अधिवेशनबाट युवा नेतृत्व चयन हुने सम्भावना रहेको छ । सोही कारण अधिवेशनका लागि जिल्लाभरीका उद्यमीहरु उत्साहित भएका छन् । युवा नेतृत्वले महासंघको चौतर्फी विकासमा दिर्घकालिन टेवा पुर्याउनले भएकाले उद्यमीहरुले यसपटक युवा नेतृत्व चयन गर्न चाहेको देखिन्छ ।

महासंघ मोरङका उपाध्यक्ष चेतन निरौलाले अधिवेशनको सम्पूर्ण तयारी तीब्र पारिएको बताए । उनले अधिवेशनका लागि सदस्यता नविकरण तथा उद्यमीहरुलाई संगठित हुन आव्हान गरेका छन् । उनले लघु, घरेलु तथा साना उद्योगीका समस्या तथा आवाज बुलन्द गर्ने सो महासंघमा जिल्लाभरीका उद्यमीहरुलाई सदस्यता लिएर संगठित हुन आग्रह गरेका छन् ।

उपाध्यक्ष निरौलाका अनुसार देशका ७७ वटा जिल्ला, सवै प्रदेश तथा विभिन्न स्थानीयतहहरुमा महासंघका शाखा रहेका छन् । उनले माहासंघ मोरङले हालसम्म जिल्ला ७ स्थानीयतहमा इकाईसमेत गठन गरिसकेको र अव सवै स्थानीय तहमा गर्ने योजना रहेको जानकारी दिए ।

उनले महासंघले उद्यमीहरुको हक अधिकारका लागि पैरवी गर्ने मात्र नभई उद्यमीहरुका समस्या समाधानका लागि पनि अगुवाई गर्दै आइरहेको बताए । ‘एक्ला एक्लै जाँदा कहिँ कतै हाम्रो आवाज सुनिदैन । तर महासंघले उद्यमीहरुको आवाज बुलन्द गर्ने भएकाले हामी सवै उद्यमीले संगठित हुन जरुरी छ ।’ उनले भने,‘त्यसैले सवै उद्यमीलाई सदस्यता लिएर संगठित हुन हाम्रो आग्रह छ ।’

उपाध्यक्ष निरौलाका अनुसार अधिवेशनमा जिल्ला भरिका लघु तथा घरेलु महिला उद्यमीले उत्पादन गरेका विभिन्न वस्तु तथा सामाग्रीहरुको प्रर्दशनीसमेत हुने छ । अधिवेशनमा अर्गानिक चिया, मह, ताजा तरकारी तथा फलफुल, च्याउ, किवी, लत्ताकपडा, ढाकाका उत्पादन, जुत्ताचप्पल लगायत घरेलु तथा सना उद्योगका उत्पादनहरुको प्रर्दशनी हुने उपाध्यक्ष निरौलाले जानकारी दिए ।

मोरङमा पनि नेपाल समूहले गठन गर्‍यो समानान्तर कमिटी
प्रदेश १ : पुनर्नियुक्त मन्त्री आङ्बुहाङले लिए सपथ
दलित समुदायमाथि हुने जातीय विभेदविरुद्धका कानुन कार्यान्वयनमा जोड
थ्री नेसन्स कप : बंगलादेशलाई हराउँदै नेपाल बन्यो विजेता
नेपाल र रावल एमाले पार्टीबाट निलम्बित
अत्याधिक वायु प्रदुषणका कारण चार दिन विद्यालय बन्द गर्ने सरकारको निर्णय
नेपाल आइपुग्यो चीनले अनुदानमा दिएको ८ लाख डोज खोप
मह जोडी बने महामूर्ख, प्रदेशमन्त्री जितेन्द्र सोनल मूर्ख शिरोमणि घोषित
तराईमा होली आज, हराउँदैछ मौलिकता
नेपाल घरेलु तथा साना उद्योग महासंघ मोरङको बैठक पर्यटकीय क्षेत्र जेफालेमा सम्पन्न
जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net