०६ असार २०७८
प्रदेश १ मा यसरी मनाइयो छठ (फोटो फिचरसहित)
November 20, 2020
6:57 pm

विराटनगर, ५ मंसिर–श्रद्धा र भक्तिपूर्वक मनाइने सूर्य उपासनाको महानपर्व छठ यसपटक धेरैले घरमै र कतिपयले नहर तथा स्थानीय जलाशयहरुमा मनाएका छन् । कोरोना महामारीको जोखिमलाई ध्यानमा राख्दै ब्रतालुहरुले आज अस्ताउँदै गरेको सूर्यलाई जलापर्ण गरेका छन् । विगत वर्षहरुमा झकिझकाउ हुने नहर, नदी तथा जलाशयहरु यस वर्ष भने त्यति उत्साहजनक छैनन् ।

कोरोना महामारीको जोखिम बढ्न सक्ने भन्दै सरकारले भीडभाडरहित छठपर्व मनाउन आग्रह गरेपछि यसपटक विराटनगरका अधिकांश ब्रतालुहरुले वैकल्पिक रुपमा घरघरमै अस्थायी पोखरी बनाएर छठपर्व मनाएका छन् । आज सुर्य उपासनाको तेश्रो दिन ब्रतालुहरुले अस्ताउँदो सूर्यलाई अर्घ दिएर आराधना गरेका छन् । सूर्यको आराधनाबाट चर्मरोग निको हुने, सन्तान र धनलाभ हुने जनविश्वास रहिआएको विराटनगरका युवराज साहले बताए ।

विराटनगरस्थित केशलीया खोला, सिंघीया खोला, सुनसरी मोरङ सिंचाइ आयोजनाको नहर तथा विभिन्न पोखरीहरुमा विगत वर्षमा जस्तो उल्लापूर्वक छठ पर्व मनाइएन । नहर तथा खोला छेउ केही सर्वसाधारणले फाट्टफुट्ट घाट निर्माण गरेर आज अस्ताउँदो सूर्यलाई अर्घ दिएर पुजन अर्चजना गरेका छन् ।

विगत वर्षहरुमा प्रदेश १ को राजधानी विराटनगरलगायत पूर्वी तराईका जिल्लाहरुमा नदी, पोखरी, ताल, जलाशयहरुमा घाट बेहुली झैँ सिंगारिएरको झकि झकाउ हुने गरेको थियो । तर, यो वर्ष कोरोना माहामारीका कारण न्युन मात्रामा देखिएको छ ।

यो वर्ष कतिपयले घर र र कतिपयले नहर, जलाशय तथा नदीमा मनाइरहेका छन् । विगत वर्षहरुमा झकिझकाउ हुने नहर, नदी तथा जलाशयहरु यस वर्षमा भने त्यति उत्साहजनक छैन । कोरोना महामारीका कारण सरकारले संक्रमणको जोखिम हुने भन्दै घरघरमै पोखरी बनाएर व्यक्तिगत ढंगले छठ पर्व मनाउन आग्रह गरेको छ । जस अनुसार कतिपय सर्वसाधरणले आफ्नो घरआँगनमा कृत्रिम पोखरी बनाएर छठ मनाइरहेका हुन् ।

विराटनगर–१२ का गणेश साहले यस पटक घरमै सानो पोखरी खनेर पर्व मनाइरहेको बताए । उनले बाहिर कोरोना संक्रमणको जोखिमका कारण घरमै कृत्रिम पोखरी निर्माण गरेर छठ पर्व मनाइरहेको जानकारी दिए ।

‘सरकारले पनि नदी, खोला, नहर र जलाशयहरुमा छठ पर्व मनाउँदा संक्रमणको जोखिम हुने भएकाले सुरक्षित हुन भनेको छ । कोरोना संक्रमण बढ्दो क्रममा रहेका कारण यो वर्ष घरमै पर्व मनाइरहेका छौँ । ’ उनले भने,‘घरमै एउटा सानो कृत्रिम पोखरी बनाएका छौँ र यो वर्ष यसरीनै छठ मनायौँ । स्वास्थ्य ठिक रहे त अर्को वर्ष पनि पर्व आउँछ ।’

प्रदेश १ को राजधानी विराटनगरमा छठ पर्वको चहलपहल र भीडभाड यो वर्ष विगत भन्दा कम देखिएपनि कोरोना संक्रमणबाट कम प्रभावित स्थानीय तहहरुमा भने अन्य वर्षहरुजस्तै उत्साह देखिएको छ । मोरङका जुडी, लोहन्द्रा, चिसाङ, डाँस, बक्राह खोला, विभिन्न पोखरी, नहर, जलाशयहरुमा छठ पर्व मनाउन केहीदिन अघिदेखिनै घाट सिंगारिएको छ । पर्व मनाउनका लागि जालाशयहरुमा घाट बनाएर चिटिक्क पारिएको छ ।

ग्रामिण क्षेत्र र कोरोना संक्रमणबाट कम प्रभावित स्थानीयतहका श्रद्धालु भक्तजनहरुले यो वर्ष कोरोना माहामारीका कारण सतर्कतापूर्वक छठ पर्व मनाइरहेका छन् । मोरङको रतुवामाई नगरपालिका–६ का श्याम ताँतीले आफुहरुले सावधानी अपनाउँदै छठ पर्व मनाइरहेको बताए । ‘विगत वर्षहरु जस्तो यो वर्ष छैन । कोरोनाका कारण बचेर सतर्कता अपनाउँदै पर्व मनाउनुपर्ने बाध्यता छ ।’ उनले भने,‘त्यसैले यसपटक सामाजिक दुरी कायम गर्दै र सतर्कता अपनाएर मात्र पर्व मनाउदैछौँ । आज भीडभाड नहुनेगरी अलग्गै ठाउँमा घाट बनाएर पुजा गरी पर्व मनायौँ ।’

जिल्ला स्वास्थ्य कार्यालय मोरङका प्रमुख ज्ञानबहादुर बस्नेतले स्वास्थ्य मापदण्ड अनिवार्यरुपमा पालना गरेर पर्व मनाउन आग्रह गरिएको र सोही अनुसार श्रद्धालु भक्तजनहरुले सतर्कता अपनाएर पर्व मनाइरहेको दावी गरे । ‘अत्याधिक भिडभाडका कारण संक्रमणको जोखिम हुनाले सुरक्षिण रुपमा पर्व मनाउनुपर्छ । धर्म मान्नुहुने सवैले स्वास्थ्य प्रोटोकल अनिवार्यरुपले पालना गरेमा जोखिम कम हुन्छ ।’ उनले भने,‘सामाजिक दुरी कायम गर्ने, मास्क र स्यानिटाइजरको अनिवार्य प्रयोग जरुरी छ । त्यसैले भोली विहानसम्म सतर्कताका साथ पर्व मनाउन आग्रह छ ।’

छठ पर्वको महत्वपूर्ण दिन शुक्रबार अस्ताउँदो सूर्यलाई अर्घ दिएर पुजा आराधना आरधना गरिएको छ । आफ्नो मनकामना पुरा हुने विश्वासका साथ भक्तजनहरुले निष्ठापूर्वक छठी माताको पुजा अर्चना गर्ने गरिन्छ । छठपर्व अन्तर्गत ब्रतालुहरुले बिहीबार खरना सम्पन्न गरेका थिए । चार दिनसम्म मनाइने यस पर्वको पहिलो दिन नहाय–खाय, दोस्रो दिन खरना, तेश्रो दिन अस्ताउँदो र चौथो दिन उदाउँदो सूर्यलाई अर्घ दिई आरधना गर्ने प्रचलन छ ।

खरनाको दिन हिँजो (बहिबार) बिहानैदेखि ब्रतालुहरुले निराहार व्रत बसेर साँझ सख्खर भएको खिर, केरा, लड्डु, मुलासहितको प्रसाद चढाएपछि ब्रतालुले प्रसाद ग्रहण गरेका थिए ।

सूर्यको आराधनाबाट चर्मरोग निको हुने, सन्तान र धनलाभ हुने जनविश्वास छ । आरोग्य र दीर्घायूसँग जोडिएको छठ पर्व मनाउनुको पछाडि धार्मिक मान्यता र वैज्ञानिक तथ्यसमेत रहेको दावी गरिन्छ । पूर्णरूपमा साकाहारी हुने यो पर्वमा चामल र गहुँको पीठोबाट बनाइने ठेकुवा, भुसुवा, फलफूल र कसार आदि बनाइने गरिन्छ ।

कोरोना संक्रमणबाट विराटनगरमा थप तीन जनाको मृत्यु
बीपी प्रतिष्ठानमा सप्तरीका कोरोना संक्रमित युवकको मृत्यु
व्यवसायीलाई कोरोनाविरुद्धको खोप उपलब्ध गराउन विराट व्यापार संघको माग
विराटनगरमा भूकम्पको धक्का महसुस
कोरोना संक्रमणबाट विराटनगरमा दुई जनाको मृत्यु
विराटनगरका थप एक संक्रमित पुरुषको वीपी प्रतिष्ठानमा मृत्यु
ग्यास अभाव हुँदैन, चाहिनेभन्दा बढी खरिद नगर्नुस्
कोसी अस्पतालका स्वास्थ्यकर्मी काममा फर्किए, माग पुरा गर्न मन्त्रालयलाई एक साताको अल्टिमेटम
बाँकेमा थप तीन जना कोरोना संक्रमितको मृत्यु
सुर्खेतमा उपचाररत जुम्लाका कोरोना संक्रमित पुरुषको मृत्यु
जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net