०३ असार २०७८
कास्कीमा १९ महिने बालिकामा कोरोना
June 20, 2020
8:23 pm

पोखरा, ६ असार-कास्कीको मादी गाउँपालिकाका १९ महिने बालिकामा कोरोना भाइरस संक्रमण पुष्टि भएको छ । मादी गाउँपालिकामा अहिलेसम्म एक बालकसहित ३ जनाका कोरोना संक्रमण देखिएको हो ।

गण्डकी प्रदेशमा शनिबार बिहान ७ जिल्लाका ५८ जनामा कोरोना पोजिटिभ देखिएको थियो । त्यसमध्ये कास्कीको मादी गाउँपालिकाका २ जनामा कोरोना पुष्टि भएका बालकसहित अर्का ४१ वर्षीय युवा थिए ।

२ संक्रमितमध्येका ४१ वर्षे पुरुषको ट्राभल हिस्ट्री भए पनि १९ महिने शिशुको कुनै ट्राभल हिस्ट्री छैन । संक्रमित शिशुका बुवा भने १६ दिन पहिले भारतबाट आएर क्वारेन्टाइनमा बसेका थिए । तर, उनको कोरोना रिपोर्ट नेगेटिभ आएको छ ।

गाउँपालिका अध्यक्ष वेदबहादुर गुरुङ श्यामले शिशुका बुवा गाउँ आएपछि सीधै क्वारेन्टाइनमा बसेको बताए । एक पटक बालिकालाई खानेकुरा दिन ती पुरुष गएको थाहा पाएपछि परिवारकै कोरोना परीक्षण गरिएको थियो । परीक्षणमा शिशुबाहेक उनको परीवारका सबै सदस्यको रिपोर्ट नेगेटिभ आएको छ ।

संक्रमित शिशुका बुवा कोरोना नेगेटिभ आएपछि शुक्रबार घर फर्किएको उनले जानकारी दिए । ‘संक्रमित शिशुकी आमा पनि लकडाउनपछि पालिकाबाट बाहिर गएकी छैनन्’ उनले भने ‘संक्रमित शिशुको सम्पर्कमा आएकाको कन्ट्याक ट्रेसिङ गर्ने तयारी भइरहेको छ ।’

अर्का ४१ वर्षे संक्रमित पुरुष भारतको बम्बईबाट १९ दिन पहिले आएर क्वारेन्टाइनमा बसेका व्यक्ति हुन् । स्वाब पठाएको १२ दिनपछि दुवैमा कोरोना पोजेटिभ देखिएको हो । ४१ वर्षे संक्रमितसँगै आएका अर्का पुरुषमा भने कोरोना नेगेटिभ आएको छ ।

मादी गाउँपालिकाका विभिन्न वडामा रहेका क्वारेन्टिनमा अहिले १९ जना छन् । गण्डकी प्रदेशमा कोरोना संक्रमितको संख्या ४ सय ३८ पुगेको छ । शनिबार बिहान अध्यावधिक विवरण अनुसार नयाँ ५८ जना संक्रमित फेला परेका हुन् ।

संक्रमितमध्ये एक ३० वर्षीया महिला र एक १९ महिने शिशु छन् बाँकी सबै पुरुष हुन् । तनहुँमा २५, नवलपुरमा १६, गोरखामा ५, कास्की २, म्याग्दी १, स्याङ्जामा १ र बागलुङमा ८ जनामा कोरोना पुष्टि भएको हो ।

गण्डकी प्रदेशमा अहिलेसम्म ४ सय ३८ जनामा कोरोना पोजेटिभ देखिएको छ । संक्रमितमध्ये वालिङका ५८ वर्षे संक्रमितको २५ जेठमा उपचारको क्रममा पोखरामै मृत्यु भएको थियो ।

कोरोना संक्रमणबाट विराटनगरमा थप तीन जनाको मृत्यु
बीपी प्रतिष्ठानमा सप्तरीका कोरोना संक्रमित युवकको मृत्यु
व्यवसायीलाई कोरोनाविरुद्धको खोप उपलब्ध गराउन विराट व्यापार संघको माग
विराटनगरमा भूकम्पको धक्का महसुस
कोरोना संक्रमणबाट विराटनगरमा दुई जनाको मृत्यु
विराटनगरका थप एक संक्रमित पुरुषको वीपी प्रतिष्ठानमा मृत्यु
ग्यास अभाव हुँदैन, चाहिनेभन्दा बढी खरिद नगर्नुस्
कोसी अस्पतालका स्वास्थ्यकर्मी काममा फर्किए, माग पुरा गर्न मन्त्रालयलाई एक साताको अल्टिमेटम
बाँकेमा थप तीन जना कोरोना संक्रमितको मृत्यु
सुर्खेतमा उपचाररत जुम्लाका कोरोना संक्रमित पुरुषको मृत्यु
जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net