१० असोज २०७८
लुम्बिनी अस्पतालको थप पूर्वाधार निर्माण गर्न जग्गा प्राप्त
June 12, 2020
10:11 am

बुटवल, ३० जेठ-प्रदेश ५ सरकारले प्रदेश गौरवको आयोजनाको रूपमा विकास गर्न लागेको बुटवलको १ सय ९ वर्ष पुरानो लुम्बिनी प्रादेशिक अस्पतालले पूर्वाधार निर्माणका लागि आवश्यक जग्गा प्राप्त गरेको छ ।

नेपाल सरकारले लुम्बिनी प्रादेशिक अस्पताललाई नेपाल सरकार वन मन्त्रालयले वन कार्यालयको नाममा रहेको जग्गा लुम्बिनी प्रादेशिक अस्पताललाई उपलब्ध गराउने निर्णय गरेको हाे ।

प्रदेश सरकारले अस्पतालको गुरुयोजना सार्वजनिक गर्दै अत्याधुनिक अस्पतालको रूपमा विकास गर्ने बताएको थियो । सोही अनुरुप सरकारले वनको जग्गा अस्पताललाई दिने निर्णय गत बुधबार मन्त्रिपरिषद्को बैठकले गरेको थियाे ।

लुम्बिनी प्रादेशिक अस्पतालदेखि दक्षिणतर्फ रहेको १ बिगाह ६ कट्ठा जग्गा अस्पतालको पूर्वाधार विस्तारका लागि उपलब्ध गराउने निर्णय भएको सत्तारूढ नेपाल कम्युनिस्ट (पार्टी) नेकपाका महासचिव एवं प्रतिनिधि सभा सदस्य विष्णु पौडेल बताए । पौडेलकै पहलमा वनको जग्गा अस्पतालमा दिने निर्णय भएको हो ।

सरकारले जग्गा उपलब्ध गराउने निर्णय गरे सँगै लामो समयदेखि अवरुद्ध अस्पतालको पूर्वाधार विकास कार्य अगाडि बढाउन सहज हुने भएको छ ।

अस्पतालले करिव ८ अर्ब हाराहारीको लागतमा अत्याधुनिक सुविधा सम्पन्न भवन निर्माण गर्ने गुरुयोजना सार्वजनिक गरि सकेको छ । हाल उक्त स्थानमा ईलाका प्रशासन कार्यालयल सञ्चालनमा रहेको छ । वनको जग्गा अस्पताललाई प्राप्त भएपछि अस्पतालको सेवासुविधा अझ चुस्त हुने यहाँका नागरिकले अपेक्षा गरेका छन् ।

बुटवल उपमहानगरपालिकाका प्रमुख शिवराज सुवेदीले अस्पतालका लागि सरकारले जग्गा उपलब्ध गराउने निर्णयले बुटवलको बिकासको महत्वपूर्ण पक्ष अगाडि बढेको बताए ।

लुम्बिनी प्रादेशिक अस्पतालका लागि उक्त वन कार्यालयको जग्गा लिए बापत बुटवल उपमहानगरपालिकाले सोही क्षेत्रफल बमोजिमको जग्गा अन्य क्षेत्रमा वन कार्यालयका उपलब्ध गराउने छ ।

लुम्बिनी प्रादेशिक अस्पतालका अध्यक्ष सूर्यबहादुर भट्टराईले अस्पतालको अत्याधुनिक भवन निर्माणका लागि प्रक्रिया अगाडि बढाइएको बताउदै यसले अस्पतालको विकासका लागि सहज बाटो खुलेको भन्दै खुसी व्यक्त गरे । उनले जग्गा प्राप्तिसँगै अस्पतालको विकासको ढोका खुल्ने बताए ।

अस्पतालले हालै मात्र गुरुयोजना अनुसार भवन भत्काएर बनाउन मिल्ने गरी संरचना बनाएर सेवा दिइरहेको छ । ४ महिना अघि मात्र प्रदेश सरकारले अस्पतालको अध्यक्षमा सूर्य भट्टराई र मेडिकल सुपरिटेन्डनमा डा. राजेन्द्र खनाललाई नियुक्ती गरेपछि अहिले अस्पतालको विकासमा परिवर्तन आएको छ ।

रोटरी क्लब अफ विराटनगर डाउन टाउनद्वारा प्याड वेन्डिङ्ग मेसिन र फिल्टर जडान
विराटनगर पुष्पलाल चौकमा संविधान दिवसको अवसरमा दिप प्रजवलन
नेपाल उत्पीडित जातीय मुक्ति समाजको ५१ सदस्यीय कटहरी गाउँपालिका कमिटी गठन
काेराेना महामारिमा शिक्षककाे जीवन
कांग्रेस–माओवादीमा कार्यकर्ताको खडेरीः मोरङको रतुवामाईमा सिंगो गाउँ एमालेमा प्रवेश
नेकपा (एमाले) मोरङ अध्यक्षमा पुनः ऋषिकेश पोखरेल
हात खालि न जाने आईपीओ निष्काशन
Purwanchal College of Science & Technology को एक परिचय
४ दिने भ्रमण सकेर अमेरिका फर्कदै फातिमा, एमसीसी पनि फिर्ता लग्दै
ताप्लेजुङमा ७२ सदस्यीय नेकपा एकिकृत समाजवादीको जिल्ला कमिटी गठन
जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net