०६ माघ २०७७
नागरिकता र मतदाताको आधारमा मात्र नभई भोकै रहेका सवैलाई राहत वितरण गरिनुपर्छ : सांसद मण्डल
April 14, 2020
8:33 pm

विराटनगर, बैशाख २–पूर्वमन्त्री तथा मोरङ क्षेत्र नं. ५ का संघिय सांसद शिवकुमार मण्डलले नागरिकता र मतदाता नामावलीका आधारमा मात्र राहत वितरण गर्न नहुने बताएका छन् ।

उनले नागरिकता र मतदाताका आधरमा भन्दा पनि आर्थिक अवस्थाकै कारण भोकभोकै बस्दै आएका सवैलाई राहत वितरण गरिनुपर्ने बताएका हुन् ।

‘नेपाल भित्र रहेर पैसाकै अभावमा खान नपाएका र जुनसुकै गाउँ तथा नगरपालिकामा बस्दै आएका सवैले राहत पाउनुपर्छ । मानवीयताका हिसाबले पनि राहत दिन आवश्यक छ । विभिन्न कारणले नागरिकता नपाएको र डेरागरी बस्ने मान्छे, खानै नपाएका व्यक्तिहरुहरु, विपन्न, असाहय र अशक्तहरुलाई दिनुपर्छ । स्थानीय तहहरुले अहिले यसो गरिरहेका छैनन् ।’ उनले भने,‘आवश्यकता नरहेकाले पनि राहत लिइरहेका छन् । बास्तवमा जो सुकै होस जसलाई आवश्यक छ, त्यसलाई दिनुपर्छ ।’

उनले कारोना संक्रमण बढ्दै गएकाले लक डाउन पूर्णरुपले पालना गराउन अति आवश्य विपन्न सवैलाई सरकारले राहत उपलब्ध गराउनुपर्ने बताए ।

सांसद मण्डलले यतिबेला खेतीको सिजन भएकाले किसानलाई चाहिने मलखादलगायत अत्यवाश्यक सामाग्रीहरु व्यवस्थीत र सहज हिसाबले उपलब्ध गराउनुपर्ने बताए ।

‘यतिबेला कृषि उत्पादन बढाउने बेला हो । किसानलाई चाहिने अत्यवाश्यक सामाग्री व्यवस्थीत हिसाबले स्थानियतहसम्म पुर्याउने गरि मेकानिजम बनाएर कार्यान्वयन गर्नुपर्छ ।’ उनले भने,‘कृषि क्षेत्रलाई यतिबेला आवश्यक सवैकुराहरु अभाव भइरहेकाले सहज हिसाबले उपलब्ध गराउने बातावरण तयार गर्नुपर्छ ।’

एक अर्को प्रसंगमा सांसद मण्डलले उत्पादन ठप्प रहेकाले उद्योगी, व्यपारी, किसानलगायतले लिएको ऋणको सवै प्रकारका व्याज अहिलेको अवस्थामा तिर्न नसक्ने भएकाकारण सरकारी तथा निजि सवै बैंक एवम वित्तिय संस्थाले मिनाह गर्नुपर्ने बताए ।

‘अहिले सवै प्रकारका कर्जाको व्याज तिर्न सक्ने कन्डिसन छैन । यो अवस्थामा जुन स्तरको जहाँ ऋण लिएपनि ब्याज मिनाह गरिनुपर्छ ।’ उनले भने ।

जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net