१० असोज २०७८
प्रदेश सरकारको अगुवाईमा सिंघीया खोला सफाई महाअभियान सुरु (फोटो फिचर)
December 7, 2019
7:31 pm

विराटनगर, मंसिर २१–‘सिंघीया खोलाको सफाई अभियान हामी सबैको शान’ भन्ने नाराका साथ प्रदेश १ सरकारको अगुवाईमा सिंघीया सफाई महाअभियान सुरु भएको छ ।

प्रदेश १ सामाजिक विकास मन्त्रालयको संयोजकन तथा विराटनगर महानगरपालिका, कटहरी, बूढीगंगा, ग्रामथान र जहदा गाउँपालिकासहित ५ स्थानीय तहको सहकार्यमा शनिबार देखि सो अभियान सुरु गरिएको हो ।

विराटनगर–३ पुष्पलाल चौकस्थित घिनाघाटबाट सुरु भएको अभियानको प्रदेश १ का सामाजिक विकास मन्त्री जीवन घिमिरे, विराटनगर महानगरपालिकाका मेयर भीम पराजुली, कटहरी गाउँपालिकाका अध्यक्ष रामकुमार कामतलगायतले खोलाको फोहोर संकलन गरेर थालनी गरेका छन् ।

सफाई अभियानमा विभिन्न संघसंस्था, नेपाल प्रहरी, नेपाल आर्मी, राजनीतिज्ञ तथा स्थानीयहरुको उल्लेख्य सहभागीता रहेको थियो ।अभियानको पहिलो दिन शनिबार घिनाघाटदेखि बुद्धचोक निस्कने बाटोसम्म करिब डेढ किलोमिटर सरसफाई गरिएको छ ।

सरसफाई पछि बोल्दै सामाजिक विकास मन्त्री घिमिरेले यसअघि जति फोहोर फ्याँकियो त्यसप्रति पश्चाताप गर्दै अगामी दिनमा फोहोर नफ्याँक्न अनुरोध गरे । सबैले आफ्नो वरपरको खोला, नदी सरसफाई गर्दै सुन्दर र सफा प्रदेश बनाउन प्रदेशबासी लाग्नुपर्नेमा उनले जोड दिए ।

खोलाको सीमांकन तथा ऐलानी र पर्ति जग्गा पहिचानका लागि नापी कार्यालय मोरङका अधिकृतको संयोजकत्वमा पाँच स्थानीय तहका अमिनहरु सदस्य रहने ६ सदस्यीय सीमांकन एवं नापजाँच समिति बनाइएको छ ।

त्यस्तै विराटनगर महानगरपालिकाका मेयर पराजुलीले अभियानका लागि विभिन्न समिति बनेको जानकारी दिँदै यो अभियानलाई कसरी दीर्घकालीनरुपमा लिएर जाने भन्ने बारेमा प्रदेश सरकारसँग छलफल गरेर अघि बढ्ने बताए ।

हरेक १५ दिनमा सञ्चालन गर्ने सरसफाई अभियान अब आगामी पुस ५ गते हुनेछ । सरसफाईका लागि मन्त्रालयले एक सय ७० जोर गम्बुट, एक सयवटा डोको, एक हजार पाँच सयवटा माक्स, पाँच सयवटा डिस्पोजेवल पञ्जा, खानेपानी, माइक तथा स्पिकरको व्यवस्था गरेको छ ।

महानगरपालिकाले सात सयवटा एप्रोन, एक सयवटा फोहोर तान्ने काँटा, २० वटा बेल्चा, २० वटा दविया, ५० वटा कचिया, २० वटा फोरुवा, २० वटा डस्बिन र २० पिस डोरी उपलब्ध गराएको छ । त्यस्तै संकलित फोहोर व्यवस्थापनका लागि फोहोर उठाउने र डम्पिङ साइडसम्म पुर्याउने सवारी साधनको व्यवस्था महानगरले गर्ने छ ।

कटहरीबाट दर्जनौँ संघ संस्था सहभागी
सफाई अभियानमा कटहरी गाउँपालिकाबाट दर्जन बढी संघ संस्थाले सहभागिता जनाएका छन् । कटहरी फाण्डेसनको संयोजनमा १३ वटा संस्थाहरुबाट खोला सफाई अभियानमा सहभागिता जनाएको नेकपा प्रदेश कमिटी तथा कटहरी फाउण्डेसनका सचिव मृत्युञ्जयकुमार झाले जानकारी दिए ।

उनले विराटनगर लगायत आसपासको फोहरमैलाले सिंघिया खोलाको अस्तीत्वनै समाप्त हुन लागेकाबेला प्रदेश सरकारको सामाजिक मन्त्रालय र मन्त्री जिवन घिमिरेको पहलमा सुरु भएको सो महा अभियानले प्रदुषणरहित सिंघिया खोला बन्ने बताए । उनले सिंघिय खोलाको सफाईमा आफुहरु पनि निरन्तर खटिने बताए ।

रोटरी क्लब अफ विराटनगर डाउन टाउनद्वारा प्याड वेन्डिङ्ग मेसिन र फिल्टर जडान
विराटनगर पुष्पलाल चौकमा संविधान दिवसको अवसरमा दिप प्रजवलन
नेपाल उत्पीडित जातीय मुक्ति समाजको ५१ सदस्यीय कटहरी गाउँपालिका कमिटी गठन
काेराेना महामारिमा शिक्षककाे जीवन
कांग्रेस–माओवादीमा कार्यकर्ताको खडेरीः मोरङको रतुवामाईमा सिंगो गाउँ एमालेमा प्रवेश
नेकपा (एमाले) मोरङ अध्यक्षमा पुनः ऋषिकेश पोखरेल
हात खालि न जाने आईपीओ निष्काशन
Purwanchal College of Science & Technology को एक परिचय
४ दिने भ्रमण सकेर अमेरिका फर्कदै फातिमा, एमसीसी पनि फिर्ता लग्दै
ताप्लेजुङमा ७२ सदस्यीय नेकपा एकिकृत समाजवादीको जिल्ला कमिटी गठन
जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net