१० असार २०७८
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
October 31, 2019
7:35 pm

विराटनगर, कात्तिक १४–संघीय मामिला तथा सामान्य प्रशासन मन्त्री लालबाबु पण्डितले नेपाल भारतबीचको सम्बन्धलाई नयाँ स्तरबाट विकसित गर्नुपर्ने आवश्यकता रहेको बताएका छन् । नेपाल भारत मैत्री युवा संघ र इन्डो नेपाल मिथिलांचल जागृति मंचले विराटनगर भन्सारक्षेत्रमा आयोजना गरेको कार्यक्रममा बोल्दै उनले यस्तो बताएका हुन् ।

नेपाल तथा भारतका मन्त्री, सांसद र विधायकलाई सहभागि गराएर आयोजना गरिएको शुभकामना आदान प्रदान कार्यक्रममा बोल्दै उनले नेपाल र भारतबीच रोटीबेटीको सम्बन्ध रहेको चर्चा गर्दै खुला सिमानाका नेपालीहरुले लागुऔषधको ओसारपसार र दुब्र्यसनको समस्या झेल्नु परेको बताए उनले नेपालतर्फबाट आतंकबादी पस्ने भय भारतलाई समेत रहने गरेको बताए ।

यसप्रकार समस्या समाधान गर्न पनि सिमाना ब्यवस्थित गर्नुपर्ने आवश्यकता रहेको उनको भनाई थियो । सिमाना ब्यवस्थापनका बिषयमा मन्त्री पण्डितले जोड दिएपनि त्यसको मोडालिटि भने खुलाएनन् । उनले प्रबुद्धवर्गले तयार पारेको इपिजी प्रतिवेदन भारतीय प्रधानमन्त्री मोदीलाई बुझाउन आवश्यक पहलगर्न समेत भारतीय जनप्रतिनिधिलाई आग्रह गरे ।

मन्त्री पण्डितले बोल्नुअघि बोल्लेका समाजबादी पार्टीका नेताहरु जयराम यादव र राजकुमार यादवले जारी भएको संबिधानमा सबैपक्षको हकअधिकार नसमेटिएको गुनासो गरेपछि प्रत्युउत्तरमा जवाफ दिँदै मन्त्री पण्डितले आवश्यकता अनुसार संबिधान संशोधन हुने बताए । हिन्दीमा भाषण गरेका मन्त्री पण्डितले भारतमै समेत पटकपटक संबिधान संशोधन भएको तर्क गर्दै आवश्यकता अनुसार नेपालमा पनि संशोधन हुने बताए ।

कार्यक्रममा प्रदेशसभा सदस्य केदार कार्की र जयराम यादवले नेपाल भारत सम्बन्ध उदाहरणिय रहेको चित्रण गर्दै दुवै देशको पहलमा लागु औषधको कारोेबार नियन्त्रण गर्नुपर्ने बताए । कार्यक्रममा भारत अररियाका सांसद प्रदिप कुमार सिंहले केही वाहिी तत्वले नेपाल भारतबिच कटुता पैदा गर्न लागि परेको आरोप लगाए ।

भारतीय शहर फारविसगञ्जका बिधायक मंचन केशरीले नेपाल भारतबीचको खुला सिमाना मित्रताको अभुतपुर्व उदाहरण रहेको बताए । उनले सिमाक्षेत्रमा हुने लागुऔषधको खुला कारोबार तत्काल रोक्न आवश्यक पहल गर्ने आश्वासन समेत दिए । कार्यक्रममा पर्यटन ब्यवसायी भविषकुमार श्रेष्ठले नेपाल तर्फ अध्यागमन विभाग रहेपनि जोगबनी क्षेत्रमा भारत सरकारले विभाग नराखेका कारण पर्यटकहरुले समस्या झेल्नुपरेको बताए ।

आपसी सम्बन्धलाई समुधुर बनाउन र सिमाक्षेत्रमा देखिएको समस्याहरु समाधानगर्न सहजहोस भन्ने उद्धेश्यले कार्यक्रम गरिएको आयोजक संस्थाका अध्यक्ष मोहम्मद नसरुलले जानकारी दिए । कार्यक्रममा भारत अरअरिया जिल्लाका सांसद प्रदिपकुमार सिंह, विधायक विद्यासागर केशरी, नेकपा प्रदेश कमिटी सदस्य सत्यनारायण चौधरीको समेत उपस्थिती रहेको थियो ।

कोरोना संक्रमणबाट विराटनगरमा थप तीन जनाको मृत्यु
बीपी प्रतिष्ठानमा सप्तरीका कोरोना संक्रमित युवकको मृत्यु
व्यवसायीलाई कोरोनाविरुद्धको खोप उपलब्ध गराउन विराट व्यापार संघको माग
विराटनगरमा भूकम्पको धक्का महसुस
कोरोना संक्रमणबाट विराटनगरमा दुई जनाको मृत्यु
विराटनगरका थप एक संक्रमित पुरुषको वीपी प्रतिष्ठानमा मृत्यु
ग्यास अभाव हुँदैन, चाहिनेभन्दा बढी खरिद नगर्नुस्
कोसी अस्पतालका स्वास्थ्यकर्मी काममा फर्किए, माग पुरा गर्न मन्त्रालयलाई एक साताको अल्टिमेटम
बाँकेमा थप तीन जना कोरोना संक्रमितको मृत्यु
सुर्खेतमा उपचाररत जुम्लाका कोरोना संक्रमित पुरुषको मृत्यु
जब सांसद मन्डल पुगे कोशी अञ्चल अस्पताल….
भ्रष्टाचारमा लिप्त सवै जनप्रतिनिधिहरु कारवाहीको दायरामा : मन्त्री पण्डित
गृहजिल्ला आएसँगै मन्त्री पण्डितको व्यस्तता बढ्यो
युवा नागरिक समाज रतुवामाईद्धारा आमबाडी र शनिश्चरे बजारको सरसफाई
नेपाल–भारत सम्बन्ध नयाँ स्तरबाट विकास गर्नुपर्छ : मन्त्री पण्डित
परिवर्तनका लागि हातेमालोद्धारा कटहरी बजारको सरसफाई
नराम्रा प्रचलनहरुलाई तोड्दै जानुपर्छ : प्रधानमन्त्री ओली
विराटनगरको आदर्श उच्च मा.वि. व्यवस्थापन समितिमा साह
चाडवर्पको अवसरमा शुभकामना आदानप्रदान
दशैँ पर्वका अवसरमा धर्म संस्कृति र नैतिक शिक्षा दिन किड्जीका वालवालिकालाई व्यहारिक ज्ञान
© Biratnagar News Media Group Pvt.Ltd | All rights reserved by: birattimes.com | Designed By : indesignmedia.net